Máis de setecentos corredores participaron onte na carreira popular organizada pola Asociación Adro de Vilaño, na Laracha. Cun volume de inscritos bastante superior ao rexistrado na anterior edición, a cita foi todo un éxito. Os máis novos foron os primeiros en cruzar a liña de meta. Máis tarde sería a quenda dos adultos e, como broche de ouro, desenvolveuse a Andaina Saudable-Solidaria ás 19 horas.