Na Costa da Morte hai unha lexión de atletas, e cada ano vai a máis. Exemplo diso é a gala que vai celebrarse mañá na Casa dá Cultura da Terra de Soneira, ás 21.00 horas, para premiar a moito dos participantes na cuarta edición do circuíto Correndo pola Costa da Morte.
Estas carreiras pedestres que comezaron en marzo deste ano, en Camariñas, e que acabaron, no fin do mundo, en Fisterra, en novembro, logo de pasar por oito concellos máis (Vimianzo, Mazaricos, Dumbría, Zas, Cee, Muxía, Carnota e Corcubión) conseguiron reunir a xente de toda a comarca, pero tamén a afeccionados de distintas partes da provincia que se viron atraídos polas paisaxes.
Na gala de mañá, os tres atletas de cada categoría que lograron mellores posicións nas distintas probas serán premiados. Pero tamén terán o seu recoñecemento aqueles que conseguiron completar todas as etapas do circuíto. Nesta edición haberá, ademais, galardóns especiais para resaltar a superación persoal dalgún participante e o apoio e fomento destas carreiras por parte de distintos particulares e entidades.
Fonte: www.lavozdegalicia.es