A Carballeira acolle o vindeiro domingo 22 de outubro a última proba da sétima edición de Correndo por Ourense, o circuíto de carreiras populares organizado polo Consello Municipal de Deportes, en colaboración co Colexio Divino Mestre, Esprintes de Ourense, Delegación Ourensá de Atletismo, Club Ourense de Atletismo, Club Aurum e a Asociación de Veciños Carlasca.
A inscrición ten que facerse ata o día de hoxe na páxina web www.deportesourense.com. O custo é de 7 euros para as categorías de junior, promesa, senior e veteranos, sendo gratuíta para os restantes. Unha parte deste diñeiro será destinada a un colectivo social.
A carreira dará comezo a partir das 12.00 horas co seguinte percorrido: Praza da Lexión, Castelo Ramiro, Hórreo, Paspallás, Santo do Can, Rula, Castelo Ramiro e chegada á Praza da Lexión.
A entrega de trofeos e agasallos terá lugar o sábado 18 de novembro na cancha central do Pavillón de Vos Remedios. Todos os clasificados por participar en cinco carreiras recibirán os trofeos os 3 primeiros clasificados.