O barrio do Couto acolle hoxe a segunda proba do " Correndo por Ourense", correspondente ao circuíto de carreiras populares organizado polo Consello Municipal de Deportes en colaboración co colexio Divino Mestre, o club Esprintes Ourense, a Delegación Ourensá de Atletismo, o Club Ourense Atletismo, o Club Aurum e a Asociación de Veciños Carlasca. A carreira do Couto é nocturna e, como tal, dará comezo ás 22.00 horas para os máis pequenos co seguinte percorrido: Dalí, Ervedelo, Juan de Anges, Remedios, retonda cara Antonio Puga, Ervedelo, Juan de Anges, Remedios e a meta en Dalí.
Todos os que están na clasificación xeral por participar en cinco carreiras recibirán un agasallo os tres primeiros de cada categoría. Na clasificación absoluta haberá dúas modalidades: a xeral individual, masculina e feminina, con premios en metálico para os tres primeiros; e de equipos mixtos dobres parellas, con trofeos tamén para o primeiro, segunmdo e terceiro equipo clasificado. Na categoría de Pitufos, todos os participantes que cheguen que llegen á meta recibirán unha medalla conmemorativa. Espérase como todos os anos unha masiva presenza de atletas en todas as categorías e que o tempo acompañe aos deportistas e os moitos afeccionados que se darán cita esta noite nas rúas do Couto, onde se espera a presenza dos mellores para pelexar pola primeira praza.