Esteban Iglesia, do Lucus Caixa Rural, e Iria Fernández, do ADAS, foron os gañadores da sexta edición do Cros dos Menhires, organizado onte polo Riazor Coruña e o Marineda Atlético.
A proba, cun percorrido de tres voltas polos arredores da Torre de Hércules, constou de 6,15 quilómetros e tivo a Juan Bo (Atletismo Macotera) e Iván Docampo (Sociedade Ximnástica de Pontevedra) e a Inés Papín (Sada) e Uxía García (Riazor) como os segundos e terceiros clasificados da categoría masculina e feminina respectivamente.