Ferrol recupera a presencialidad na carreira popular e andaina contra o cancro que organiza a delegación na cidade da Asociación Española Contra o Cancro. O prazo de inscrición xa está aberto e o evento desenvolverase, seguindo o itinerario habitual, o próximo 13 de marzo.
Nesta edición haberá dispoñibles 1.200 prazas para a carreira e 2.000 para a andaina e, por motivos sanitarios, ambas as modalidades desenvolveranse de modo separado.
A carreira arrincará ás 10:30 horas e a andaina unha hora máis tarde, cunha distancia para percorrer de 5 quilómetros e co punto de chegada fixado no Cantón de Molíns.
As persoas que queiran participar deberán facer unha achega de 8 euros á entidade e poderán formalizar a súa participación na web de se Carreiras Galegas ou, de maneira presencial, na sede da entidade, na rúa da Terra.
Habilitouse, ademais, un "dorsal 0" para todas aquelas persoas que queiran realizar unha achega económica, sen necesidade de participar na proba deportiva.
No caso da carreira, as inscricións exceden xa as 140 e a modalidade de andaina roza o centenar de persoas rexistradas.