Amador Pena e Raquel Suárez lograron o triunfo na carreira celebrada en Angrois. Pena, que repetiu a vitoria do pasado curso nesta mesma proba, investiu un tempo de 17 minutos e 16 segundos. Suárez, que vén de gañar a carreira nocturna do CorreSan, parou o crono en 20 minutos e 57 segundos.
O atleta santiagués impúxose a Arturo Ramos, segundo na xeral cun tempo de 17.24, oito segundos por detrás do vencedor. A terceira praza foi para Alberto Carou, con 17.30, quedando a continuación Juan Carlos Mosquera, con 17.36, e Cristian Muíño, con 17.51, en cuarta e quinta posición, respectivamente.
Na proba feminina, Raquel Suárez completou os 5,2 quilómetros cun rexistro de 20 minutos e 57 segundos. A prata foi para Laura González (21.45) e o bronce adxudicoullo Lorena Pose (22.15).
Fonte: www.lavozdegalicia.es