O santiagués Amador Pena Torreira, do Club Deportivo Vagalume Enerxía, foi o vencedor da IV Carreira Popular Concello de Zas na categoría masculina e a mazarica Rocío Alvite, do Sera Vermu Petroni de Santiago, impúxose na feminina.
Á cita acudiron 527 dos 827 atletas inscritos, polo que alcanzou un novo récord. Tamén nos tempos realizados polos vencedores de 34:41 e 38:22 polos rexistrados a pasada edición de 35.20 e 39:50, respectivamente.
A proba reina, a dos 10 quilómetros, foi un bonito duelo entre o coruñés Javier Tourís, do Club Marathon Running Shop, nunha carreira con moito ritmo. De todos os xeitos, no case tres primeiros quilómetros sorprendeu a fortaleza de José Miguel Gómez Sánchez, do Escola de Atletismo Paula Mayobre, que impuxo o ritmo ata que os dous favoritos comezaron a quedar sós. Manute tivo unha gran recuperación e, finalmente, tamén subiu ao podio cos dous anteriores. O vencedor da pasada edición, o soneirán Míchel Antelo, ocupou a quinta praza cun tempo lixeiramente inferior ao pasado ano, ao pasar do 35:20 ao 36.01 deste ano.
Se na categoría masculina foi moi disputada, na feminina, Rocío Alvite volveu demostrar o seu gran momento e no circuíto Correndo pola Costa da Morte non hai quen a supere ata o momento nas citas ás que acudiu. A calor fixo máis dura a proba, con moito sobe e baixa, o que se notou nas caras dos 218 atletas que cruzaron a meta nos 10 quilómetros, ou os 100 nos 3K, no que o gran favorito, Martín Regueira (Laxe), non deu opción aos seus rivais. Na categoría feminina, Alicia García (Cee) tivo un interesante duelo con Tamara Caamaño (Carnota). Catorce segundos separaron a ambas as na liña de meta.
Moito público presenciou o acontecemento deportivo, que comezou ás cinco da tarde e foi desenvolvéndose no horario previsto. Concluíu coa proba de pitufos, na que tomaron a saída 90 participantes, que foron moi aplaudidos.
Aínda que a que, unha vez máis, gañouse aos afeccionados foi Sara Vieites, que na categoría benjamín e coa súa clásica indumentaria do Deportivo da Coruña e acompañada pola súa nai, Mariña Ferreiro, percorreu os 1.000 metros do traxecto no medio de aplausos dos afeccionados que desa forma premiaron o gran esforzo realizado, pero que nunca deixou de sorrir, un exemplo de autosuperación.