Case 700 corredores encherán esta noite as rúas de Ferrol poucos minutos antes da posta de sol con motivo da quinta edición da Carreira Nocturna Corre por Ferrol. Competición que, un ano máis, volve ser puntuable para o Circuíto Provincial.
Así, serán un total de 652 atletas os que ás 21.00 horas e desde a praza de Armas tomen a saída desta xa tradicional competición estival, momento no que comezará a competición absoluta. Diego Ruiz volverá ás rúas departamentais para defender o seu título de hai un ano, mentres que Rocío Alvite cederá mañá a súa coroa a outra deportista. Pero antes de que os atletas absolutos tomen a lastra ferrolá, ás 20.00 horas será a quenda para os máis novos participantes nesta proba provincial. Así, mentres que os inscritos nesta cita cubrirán un trazado de cinco quilómetros, os canteiráns contarán con varios trazados en función da súa idade, desde benjamín ata cadete. Os máis atrasados poden hoxe recoller o seu dorsal tanto na Malata como en Armas.