O tempo desapracible, non tanto como apuntaban as previsións meteorolóxicas, provocou algunhas caídas pero non desanimó os participantes na carera da Ruta dous Parques, a terceira cita do CorreSan. E ao final houbo sorpresa no cadro masculino, porque o vencedor absoluto foi un xuvenil, Diego Alonso, do Atletismo Santiago, de só 16 anos. Empregou 19 minutos e 30 segundos en completar os pouco máis de seis quilómetros entre a Cidade da Cultura e o Parque Eugenio Granell.
A continuación entraron tres habituais do CorreSan, os tres do Vagalume: Cristian Muíño, a 6 segundos; Alberto Carou, a 20 e Amador Pena a 25. E quinto foi outro xuvenil compañeiro de equipo do gañador, Arturo Ramos, a 29.
No cadro feminino a compostelá Raquel Suárez volveu impor o seu dominio, cun tempo de 22:06. Completaron o podio Mónica Álvarez, 24:16, e María Tarrío, 24:55.
Fonte: www.lavozdegalicia.es