A cuarta edición de carreira popular Sen-Son non defraudou. Centos de participantes tomaron a saída en Portosín para cubrir un circuíto de dez quilómetros con final no centro urbano de Porto do Son. Hassan Lekhili e Solange Pereira foron os mellores nas súas respectivas categorías. O marroquí, fincado en Galicia, acabou a proba en pouco máis de 30 minutos. O segundo posto na categoría masculina foi para Alejandro Fernández, seguido de Manuel Furtado. En mulleres, a segunda praza ocupouna Paula Mayobre, mentres que Sandra Mosquera cruzou a liña de meta en terceira posición.