Máis de dous miles presentas participaron esta mañá na cuarta edición da Carreira contra o Cancro, Corre por Ferrol, que se desenvolveu polas rúas do centro da cidade. Unha actividade solidaria, a favor da Loita contra o Cancro que, un ano máis, atopou unha gran resposta na cidadanía. A recadación pola inscrición na proba terá un carácter solidario, xa que se entregará á delegación ferrolá da Asociación Española da Loita contra o Cancro.
O gañador da proba foi Iván Pontes Barcia, do Tríatlon Ferrol, que cubriu os cinco quilómetros do percorrido nun tempo de 16.15. Este atleta, de categoría sub 19, entrou na meta con oito segundos de vantaxe sobre o sénior Julen Basterretxea, do Club A Branca de Vitoria, que fixo un tempo de 16.23, A terceira posición na liña de meta foi para o veterano Diego Crespo Naya, do Marineda Atlético, que fixo un tempo de 16.38. A primeira muller en cruzar a meta foi María del Carmen Jiménez, que entrou no posto 79, e que realizou un tempo de 20.36