Non houbo ningún tipo de sorpresa e Iván Roade e Ester Navarrete fixeron bos os prognósticos e impuxéronse con comodidade na décimo segunda edición da carreira popular Vigo +11, que nesta ocasión se correu sobre a distancia de 10 quilómetros.
Roade rompeu a carreira aos cinco quilómetros, en plena subida, e ninguén lle puido seguir o ritmo ao novo corredor do ADAS de Valdeorras, que chegou á liña de meta saudando e incluso parándose antes de marcar un tempo de 30 minutos e 48 segundos, vinte menos que Carlos Porto que entrou na segunda posición mentres José Gaspar completaba o podio.
Na carreira feminina Ester Navarrete correu soa de principio a fin, marcando o seu ritmo e establecendo a batalla contra o crono. Admitiu a viguesa que na rùa Camelias tivo un momento complicado que superou a continuación para entrar na liña de meta cun tempo de 35,42 minutos, case dous menos que Sandra Mosquera, que foi segunda, mentres Sofía Freaza entraba na terceira posición.
Na cita incluído no circuíto de carreiras populares de Vigo participaron uns 900 atletas sumando as carreiras de promoción para nenos e a absoluta.