Acompañou a meteoroloxía pero, aínda así, os nove quilómetros da Carreira Pedestre Batalla de Cacheiras entre Baamonde e Montouto, boa parte deles en pendente, resultaron moi duros para os 141 atletas que tomaron a saída nas categorías júnior, promesa, sénior e veteranos.
No cadro masculino impúxose José Canda Louzao, cun tempo de 34 minutos e 55 segundos. A sete segundos entrou Miguel Mayán Deus, e a 34 Víctor Seijas.
No cadro feminino completaron o podio Sofía Sueiro Iglesias (44.34), María Tarrío Martínez (46.43) e Elena Miguens Otero (47.21). Walter Omar Rosales Ramírez gañou en júnior e promesa (45.06).