A carreira Desafío Bomberos, do 18 de xuño no parque de Bens, pechará o seu prazo de inscrición mañá. Son oito quilómetros de circuíto con máis de trinta obstáculos como auga, lume e neumáticos.
Pódese competir en grupo ou de maneira individual, sen loitar contra o reloxo e tendo como único obxectivo chegar á meta.
As inscricións poden formalizarse na web www.desafiobomberos.com, e o prezo é de 35 euros. Os organizadores pretenden financiar con esta actividade parte da súa participación nas Olimpíadas de Bombeiros e Policías, en agosto en Los Ángeles.