Máis de 200 deportistas secundaron, a pesar das frías condicións meteorolóxicas, a segunda edición do Cros Vila dás Pontes que se disputou na mañá de onte na carballeira da Fraga.
O ferrolán Pedro Osorio –Ría– e a aresana Paula Mayobre –Clínica Seoane Pampín– inscribiron o seu nome como os vencedores absolutos da cita, tras cubrir os 5.500 metros en 18:47 e 22:04 minutos, respectivamente. Maikel Rodríguez – Budiñoraid– e Inés Bereijo colgáronse a prata, mentres que o bronce foi para Antonio Teijido – Verxel– e Karola Böhme – Verxel–. Esteban e Isabel Díaz Pérez – Trieume e Olympo– foron os mellores locais, ocupando a décima e a sexta praza en masculino e feminino.
Na competición xuvenil, os ouros foron para o ferrolán Aldo Rey –Ría– e a sadense Alba Méndez, cos locais Samuel Dopico e Valentina Araoz –Ría– prata e a pontesa Cristina Souto, bronce, tras o percorrido de 3.000 metros. Na cita de dous quilómetros, dirixida a cadetes, Sara Bogo –Soria– e o valdoviñés Hugo Prida foron os máis rápidos, estando acompañados no podio por Andrea López –Cedeira– e Ana Vallines –Lourenzá–, e Hugo Branco – Colexio Santa María As Pontes– e Antón García – Olympo–-
As medallas da comarca en infantil chegaron da man de Sheila Barro – Olympo– e Lara Ríos –Náutico Narón–, segunda e terceira clasificadas. Máis claro foi o dominio local en alevín, co pontés Destaw Pellón e a fenesa Aroa González cruzando a liña de meta en primeiro lugar. Diego González –Ría–, Antonio Graña – Olympo– e Alba Pena –Narón– tamén lograron medalla. Os benxamín ponteses Lucas Branco e Xandre Domíngez foron primeiro e segundo, do mesmo xeito que Aitana López e Saleta Barro.