Excelente xornada a vivida esta mañá na localidade lucense de Friol onde, como xa acontecera a tempada pasada, disputouse o Memorial Alejandro Lorenzo, o Campionato de Galicia cadete e xuvenil de campo a través e o Campionato de Galicia de cross corto por clubes.
Como xa ven sendo habitual os mais pequenos foron os primeiros en disputar as suas probas: Xela Martínez da Atlética Lucense e Yago Fernández do CSCR Beade en benxamin, Antón Martínez tamén da Atlética Lucense en alevin e Sara Lima do Beade e El Medhi El Nabaoui do San Paio de A Estrada en infantil foron os primeiros en entrar na liña de meta no Memorial.
Nas probas dos cadetes e xuvenis un dos grandes atractivos de este campionato ademais da victoria individual e por equipos está a posibilidade de optar a unha das prazas para o campionato de España do CSD. Lucía López do Franciscanos e o local Adrián Lage do Atletismo Friol en cadetes, nunha proba apretadisima no sprint final, e Ana García do recentemente creado Lugo Running e Miguel González do Lucus teñen así confirmada a sua participación coa selección galega. A soleada mañá finalizaba con unhas das probas mais esperadas as do Campionato de Cross corto por clubes en que os vencedores foron os dous grandes favoritos: o New Balance, reforzado con algunhas das suas figuras non galegas e o Comesaña en mulleres que revalida o seu título.
A nivel individual Fernando Carro do New Balance e Esther Navarrete do Atletismo Femenino Celta foron os mais rápidos no barro.
MG Foto xentileza de Antón Gómez