Seguindo o ronsel de veciños concellos como o de Ferrol, Mugardos organiza na xornada de mañá a primeira edición da súa carreira nocturna.
Case 200 deportistas formalizaran a última hora de onte "último día para levar a cabo este trámite" a súa participación nesta proba que terá un percorrido dunha milla "1.609 metros" para os atletas de categorías sénior, veteranos, infantil, cadete, xuvenil, junior e promesa. Aínda que a competición mugardesa contará así mesmo con ccarreras dirixidas aos máis novos deportistas, con citas de 150 e 800 metros para prenbenjamines, benjamines e alevíns. Precisamente serán estes deportistas os que abran o programa de competición, tomando a saída das súas respectivas probas entre as 20.30 e as 20.50 horas. Será a partir das nove da noite cando comecen os percorridos máis longos, cos sénior preparados ás 21.50 horas.
O circuíto establecerase na avenida do Mar mugardesa, que permanecerá pechada ao tráfico, con saída e meta no parque da Constitución, mentres que a recollida de dorsais terá lugar no Cantón de Cora. Ao finalizar a cita haberá chocolate e bica para os atletas.