Non houbo sorpresas, e o Gran Premio Pedestre do Nadal, máis coñecido como a Carreira do Pavo, coroou a Gonzalo Basconcelo e a Ester Navarrete na súa edición número 56. O atleta do Celta levou a vitoria por só catro segundos sobre Manuel Hurtado, da Ximnástica de Pontevedra. O gañador percorreu os 5 quilómetros de trazado en 14 minutos e 45 segundos e o seu rival polo triunfo empregou catro segundos máis. Akka Essaadaoui, completou o podio cun crono de 15:29.
Na categoría feminina Ester Navarrete non tivo oposición. Concluíu a carreira en 16:34. Sandra Mosquera foi segunda con 17:11 e Alice Finot, terceira cun 17:32.
Fonte: www.lavozdegalicia.es