O recinto feiral de Silleda acollía onte a disputa da terceira edición da Carreira Popular Abanca Semana Verde de Galicia. Participaron un total de 241 atletas nas distintas categorías, o que supuxo un forte incremento respecto ao 2016. Creceu a inscripció nun 43 %, ao subir desde os 168.
En canto aos resultados en categoría absoluta foron 122 os corredores, que debían completar dez quilómetros de proba. En categoría masculina a vitoria foi para Nuno Costa, o atleta portugués enrolado nas filas do CD San Paio da Estrada, mentres en mulleres o triunfo conseguíao Rocío Alvite Ferreiro, de Mazaricos e pertencente ao Club Atletismo Sar.
Por clubs, o triunfo masculino conseguíao o Atletismo Arenteiro do Carballiño, mentres en mulleres era para Vagalume Enerxía do Pino. O bo tempo acompañou aos atletas nesta competición pedestre.