Rubén Diz podería deixar sentenciado no circuíto "Correndo por Ourense) na categoría masculina, mentres que Ana Ocampo tratará de atrasar o triunfo de Iria Fernández.
A proba celébrase este domingo, coa disputa da carreira do Barrio da Ponche. A córrese este ano co lema "Oportunidades Galicia, corre pola Reciclaxe" e forma parte da campaña "Oportunidades Galicia -separemos ben, reciclaremos mellor", que promoven Ecoembes, a Consellería de Medio Ambiente e Sogama, para fomentar na cidade as boas prácticas no tratamento dos residuos".
Organízaa o Consello Municipal de deportes coa colaboración do Colexio Divino Mestre, Club Esprintes Ourense, a Delehgación Ourensá de atletismo, o Club Deportivo Aurum, o Club Ourense Atletismo e a Asociación de veciños Carlasca.
A proba, na categoría xuvenil, junior, promesa, senior e veteranos sairá ás 12.30 horas da rúa Francisca Herrera (12 de outubro) para percorrer a Avenida de Santiago, Basilio Álvarez (ida e volta), Avenida das Caldas, José Antonio Moretón, Ribeiriño, Avenida das Caldas, Mercado, Rosalía de Castro e Vicente Risco. Serán tres ao circuíto para completar un total de 5.700 metros. Previamente desde as 12.00 horas terá lugar a carreira nas categorías de pitufos, Benjamín, Alevín, Infantil e cadete. Espérase a presenza de ao redor dun milleiro de atletas.