O III Circuíto Coruña Corre pechará a súa terceira edición o vindeiro 18 de novembro cunha gala final no Centro Ágora. A clausura, que terá lugar ás 19.00 horas, porá o punto e final a un ano marcado pola alta participación, con máis de 2300 inscricións.
Durante a celebración entregaranse os trofeos correspondentes as categorías benxamín, alevín, infantil, cadete, xuvenil, junior, promesa, senior, veteranos, especial e familiar, ademais dun obsequio a todas e todos os deportistas que finalizasen todas as probas do III Circuíto Municipal Coruña Corre.