PEDRO NIMO E RROCÍO ALVITE GAÑAN A MEDIA MARATÓN O GRAN CAMIÑO (Fonte: www.elcorreogallego.es)

O compostelán Pedro Nimo, cun tempo de 1:12:09, e a mazaricana Rocío Alvite (1:24:47) gañaron esta mañá a primeira edición da media maratón O Gran Camiño que contou cuns espectadores de excepción: os centos e peregrinos que facían a Ruta Xacobea entre Arzúa e Arca e que non deixaron de animar aos máis de 230 atletas que participaron na proba. Os mellores atletas do Pino foron Mela Penas Blanco, quinta na xeral, e Amador Pena Torreira, sétimo, que se proclamaron vencedores na categoría de Veteranos 1.

Cun ritmo de 3:25 minutos por quilómetro, Pedro Nimo non tivo rivais na categoría masculina e encabezou o pelotón en todo o percorrido polo concello do Pino. O avulense Roberto Rubén Jiménez empezou moi forte, liderando a carreira nos primeiros quilómetros, pero despois tivo que renderse ante a fortaleza do ex campeón de España de maratón e cruzou a meta en segundo lugar, a case tres segundos do compostelán (1:14:55). A terceira praza foi para o ourensán Javier Paredes González (1:15:10).

Algo máis competida estivo a proba na categoría feminina, aínda que a mazaricana Rocío Alvite Ferreiro non deu opción a ningunha das súas rivais. Desde os primeiros metros xa encabezou a carreira e, cun promedio de 4:01 minutos por quilómetro, sacoulle na meta case medio minuto a segunda clasificada, a rioxana afincada en Santiago Esther Rodríguez Díez (1:25:14). A terceira praza desta categoría foi para a atleta do Rosal Ariana González Verde, cun tempo de 1:27:34

Á chegada a liña de meta, ubicada xunto a piscina municipal do Pino, en Lameiro-Arca, todos os corredores coindían en destacar a excelencia do percorrido e a sorte de poder compartir O Gran Camiño cos centos de peregrinos que hoxe se dirixían a Santiago pola Ruta Xacobea. “Posiblemente nunca tiven tanta xente animando durante a proba. O percorrido é excelente”, resumía o veterano Benito Gallardo Francisco quen, procedente do Carballiño, quedou en segundo lugar na categoría de maiores de 60 anos.

Unhas apreciacións coas que coincidiron tanto o gañador, Pedro Nimo, que xa se prepara para disputar o maratón de San Sebastián o vindeiro mes de novembro, como o andaluz Rafael Palme, quen chegou onte mesmo de Xerez para participar hoxe no Gran Camiño.

De feito, moitos dos peregrinos decidían descansar uns minutos e animar e aplaudir aos atletas a medida que estes iban avanzando no percorrido da proba, que con algo máis de 21 quilómetros uniu por primeira vez a alameda de Arzúa e a localidade de Arca (O Pino). Os alcaldes dos concellos organizadores amosaban a súa satisfacción polo feito de que non se rexistrasen incidentes e que todo transcorrese con normalidade. “Esta é unha primeira experiencia, para o ano que ven melloraremos todo o posible”, indicaba Manuel Taboada, rexedor do Pino, anunciando a continuidade de O Gran Camiño.

Na entrega de trofeos, o presidente da Federación Galega de Atletismo, Isidoro Hornillos, resaltaba o bo momento polo que atravesa o atletismo galego, que recentemente obtivo a segunda praza no Campionato de España por autonomías, por detrás de Cataluña.

Para facilitar a convivencia entre atletas e peregrinos, a organización contou coa colaboración da Asociación Galega de Ciclistas. Unha nutrida representación acompañou aos corredores durante toda a proba, advertindo aos camiñantes do paso dos corredores nos diferentes puntos.

Á chegada a meta, aqueles atletas que o precisaban recibían unha masaxe que ofrecía unha das colaboradores da corganización, a clínica de fisioterapia Lidia Ramos. A organización contou tamén co patrocinio da Secretaría Xeral para o Deporte da Xunta, El Corte Inglés, Abanca, Gonzacar.

Nas clasificacións por equipos, o gañador foi o Sar Vermú Petroni, con 97 puntos; seguido do Club Deportivo Vagalume Energía, do Pino (148); o Atletismo Milladoiro (390) e o Clube Atletismo Boimorto (605 puntos).

O Clube Vagalume Energia, do Pino, foi o segundo na clasificación por equipos e contou cunha nutrida representación nesta media maratón. Os mellores atletas foron Mela Penas Blanco (1:36:23), que quedou quinta na clasificación xeral e foi a gañadora na cateogoría de Veteranos 1. 

No apartado masculino, Amador Pena Torreira, tamén do Vagalume, quedou en setima posición na clasificación xeral, cun tempo de 1:20:35, e proclamouse gañador na categoría de veteranos 1.

Os seis primeiros clasificados da xeral, tanto en categoría masculina como feminina obtiveron un trofeo e un premio en metálico de entre 300 e 50 euros, segundo o posto. Na clasificación por equipos os premios eran de entre 300 e 75 euros para os catro primeiros.

Os gañadores de cada unha das categorías foron os seguintes:

1. Pedro Nimo del Oro 1:12:09

2. Roberto Rubén Jiménez 1:14:55

3. Javier Paredes 1:15:10

4. Miguel Penedo 1:15:32

5. José Lojo 1:17:35

6. Alfonso Antonio Gómez 1:18:25

1. Rocío Alvite Ferreiro 1:24:48

2. Esther Rodríguez Díez 1:25:13

3. Arian González Verde 1:27:34

4. Tina Fernández Barreiros 1:28:10

5. Mela Penas Blanco 1:36:23

6. Inés Pampín Estévez 1:36:43

1. Daniel Antelo 1:29:16

2. Rubén Ferreiro Rial (O Pino) 2:08:52

1. Lucia Quintela 2:02:25

1. Miguel Penedo 1:15:32

2. José Lojo 1:17:35 

3. Ricardo León 1:20:58

1. Tina Fernández 1:28:10

2. Sandra Fernández 1:45:16

3. Iria Soto 1:42:32

1. Amador Pena Mela Penas Blanco

2. Alberto Carou Laura Núñez

3. José Antonio Gómez Helena González Pérez

1. Antonio Gómez Ruiz Inés Pampín Estévez

2. Agapito Baamonde Eva de la Fuente Iglesias

3. Carlos Busto Lobato Ana Isabel Ouviña Figueira

1. Lolo Neira

2. Francisco Sanmarco Santos

3. Jesús Uzal Miramontes

1. Ramiro Pérez Pereira Araceli Veiga Bermejo

2. Benito Gallardo Francisco

3. Jesús Manuel Lodeiro Méndez

Os corredores do Vagalume Energía, de O Pino, obtiveron estes resultados