Rafael Fuentes impúxose no cros máis concorrido do panorama galego, o de San Miguel de Oia, que nesta ocasión, e ao tratarse dunha proba aberta aos non federados, reuniu a preto dun milleiro de atletas que desafiaron ao barro e á choiva nun ambiente idílico para esta modalidade deportiva.
Fuentes Lubián, un clásica das citas populares do sur de Galicia, marcou o mellor tempo na liña de meta con 25m 52s, a un rival de 3.14 o quilómetro. Rafael gañou con autoridade, sacándolle 28 segundos na liña de meta a Rubén Pérez, mentres que Amadeo Abal completou o podio ao saír gañador do man a man con David Posada .
Na carreira feminina o triunfo de Paula Figueroa foi incontestable, sacándolle máis dun minuto na liña de meta á segunda clasificada, a veterana Mari Carmen Costas. A gañadora fíxoo cun tempo de 35m 07s. Pero máis aló dos resultados da carreira absoluta, no Cros de San Miguel de Oia destaca a promoción da disciplina nas categorías menores. Un excelente escaparate.