O Cros de Reyes da Rúa foi valedoiro para outorgar varios títulos, desde os autonómicos de veteranos aos provinciais de distintas categorías, polo que reuniu a un selecto cadro de persoal de atletas na zona do Aguillón.
E de feito, na súa categoría absoluta correuse a un ritmo que non desmereció ás últimas competicións absolutas da categoría. Entre os homes tiraron do pelotón dous especialistas como Hassan Lekhili, coa camiseta do ADAS, e Víctor Riobó (Miler Running), con vitoria final para o marinense, que se impuxo ademais na categoría M-35 do galego, deixando ao marroquí afincado en Ourense como campión autonómico M-40 e tamén como campión provincial absoluto, liderando un triplete do club valdeorrés cos sénior Alejo Ares e Iván Fernández.
Na categoría feminina, foi a atleta do ADAS Esther Navarrete a máis veloz da convocatoria, por diante de Rocío Alvite (SAR), a mellor veterana, e a lusa do ADAS Joana Pereira.
No campionato provincial foi outra atleta da entidade barquense, Iria Fernández, a qu ese impuña por diante das dúas representantes do Burgas: Vicky Losada e María Luz Ferreiro.
Foi notable a representación dos ourensáns nas categorías do autonómico e, ademais de Hassan, tamén se anotaron vitorias nas súas respectivas categorías José Manuel Fernández (ADAS) venceu en M45, Saturnino Nóvoa (Veteranos Ourense) en M55, Olga Prado (Ourenrunning) en F55 e Quique Iglesias (Veteranos Ourense) en M70, do mesmo xeito que o equipo masculino 35 do propio club valdeorrés. Todo nunha mañá moi concorrida, grazas á disputa do resto das categorías provinciais e comarcais.