A organización de C42 prepárase para prestar os seus servizos a todas as persoas que van participar no maratón.
#Coruña42 ofrecerá nesta quinta edición, que se realiza o vindeiro domingo día 17 de abril, servizos tanto para as persoas corredoras do Maratón Atlántica como da súa #10k.
Coma en pasadas edicións, os dorsais individualizados levarán un código QR que lles permitirá aos corredores finisher ver os seus tempos de carreira, ademais todos os atletas que finalicen a proba terán a través da web www.carreirasgalegas.com o vídeo da súa chegada á meta.
No día da carreira haberá, ademais, servizo de gardarroupa que estará situado nos soportais do Concello da Coruña, na praza de María Pita. Para iso dispoñerán dun adhesivo co seu número de dorsal para facilitar a entrega das súas pertenzas no gardarroupa. O horario será de 07.30 a 15.00 horas.
Para facilitar as aglomeracións e favorecer o bo desenvolvemento da carreira estableceranse os seguintes caixóns de saída:
MARATÓN
Caixón 1
21 Km. Homes < 1 h:20m. Mulleres < 1 h:35m.
42 Km. Homes < 2 h:20m. Mulleres < 3 h:20m.
Caixón 2
21 Km. Homes 1h:20m - 1h:25m Mulleres 1h:35m - 1h:40m
42 Km. Homes 2h:45m - 3h:00m Mulleres 3h:20m - 3h:40m
Caixón 3
21 Km. Homes 1h:25m - 1h:30 Mulleres 1h:40 - 1h:45m
42 Km. Homes 3h:00m - 3h:20 Mulleres 3h:40 - 4h:00m
Caixón 4
21 Km. Homes 1h:30m - 1h:35 Mulleres 1h:45m - 1h:50m
42 Km. Homes 3h:20m - 3h:40 Mulleres 4h:00m - 4h:20m
Caixón 5
21 Km. Homes Marcas superiores. Mulleres Marcas superiores.
42 Km. Homes Sen marca. Mulleres Sen marca
10K
Caixón 1 Homes < 35 M. Mulleres< 40 M.
Caixón 2 Homes 35 M 40 M Mulleres 40 M - 45 M
Caixón 3 Homes 40 M 45 M Mulleres 45 M - 50 M
Caixón 4 Homes 45 M 50 M Mulleres 50 M - 55 M
Caixón 4 Homes > 50 M. - SEN MARCA Mulleres > 55 M. - SEN MARCA
A carreira terá sinalizados todos os puntos quilométricos e haberá CINCO lebres (2h45, 3h, 3h30, 3h45 e 4h) que irán identificadas con camiseta e globo.
En relación ao avituallamento, os postos estarán instalados a partir de quilómetro 5 e aproximadamente cada 5 quilómetros.
AVITUALLAMENTO
Maratón Atlántica Coruña42
Km 5´530 aprox. auga
Km 11´075 aprox. (auga + avituallamento)
Km 15´765 aprox. (auga + avituallamento)
Km 19´530 aprox. (auga + avituallamento)
Km 25´075 aprox. (auga + avituallamento)
Km 29´765 aprox. (auga + avituallamento)
Km 33´530 aprox. (auga + avituallamento)
Km 39´075 aprox. (auga + avituallamento)
Km 42´195 aprox. (auga + avituallamento)
Situación de postos de avituallamento
Punto 1. Rúa Matadero despois do Hotel María Pita, dirección Domus
Punto 2. Rúa Manuel Murguía despois de Rotonda Esclavas, dirección Casa da Auga
Punto 3. Estrada do Porto despois de rotonda de Oza, dirección Rotonda de San Diego
Punto 4. Na Meta
No caso da proba paralela dos #10k o punto de avituallamento estará situado no quilómetro 6,590 no Paseo Marítimo (entrada cocheiras do tranvía) e consistirá en auga. Lembramos, así mesmo, que todos os puntos quilométricos estarán sinalizados no trazado.
Así mesmo, lémbraselles aos corredores que ao longo do circuíto haberá colectores para a recollida de residuos e que estes serán de uso obrigatorio por parte de todos os runners, favorecendo así a sustentabilidade do evento. O non uso destes poderá carrexar a descualificación da proba.
Ademais dos arcos de hidratación, situados durante a carreira como alternativa a posibles altas temperaturas e para que os atletas se refresquen durante o percorrido, unha vez finalizado o maratón os runners poderán acceder ao servizo de duchas nas instalacións da Cidade Deportiva de Riazor e na Cidade Deportiva da Torre, accedendo ao recinto mostrando o seu dorsal. Dispoñerase de WC portátiles na zona de saída e meta, así como en todos os puntos de avituallamento.
A entrega de premios do Campionato Galego e Carreira Popular Maratón Atlántica C42, realizarase na praza de María Pita ás 14.00 horas, mentres que no caso da Popular 10K, esta realizarase ás 11.30 horas.