Os carballeses José Antonio Señarís e José Río non defraudaron e gañaron a segunda edición da Carreira Nocturna Solidaria De 2 en Dous, que organizou o Atletismo Carballo. A parella vencedora investiu un tempo de 19 minutos e 21 segundos en percorrer os cinco quilómetros urbanos.
Na competición absoluta participaron 131 parellas das 174 inscritas, e nesta oportunidade o número total de participantes foi de 429, dos que 262 competiron na máxima categoría e os 167 restantes nas proba de pitufos (69), benxamín (39), alevín (30), infantil (16) e cadetes (13).
Tras os vencedores ocuparon prazas de podio Javier Alegre-Mikel Ocerín e Gabriel Castiñeira-Fran Pais.
Na categoría mixta, os mellores foron Vanessa Lafuene-Javier Martínez (Carballo), Eusebia Maldonado-Miguel Ángel Carreira (Aranga) e Paula Esteiro-Damián Espasandín (Camariñas-Vimianzo).
Na categoría feminina, as mellores foron Lucía Suárez-Claudia Blanco (Noia), María del Pilar Orgeira-María Jesús Orgeira (A Silva) e Yolanda Bolón-Rosana Canedo.
Finalmente, na clasificación das parellas que suman máis de 100 anos, os mellores foron Santiago García-Antonio García, Alfonso Remuiñán-Carlos Remuiñán e Marcos Manuel Lamas-Manuel Lamas.
A competición, que comezou coa proba da categoría biberón, ás 19.45 horas, concluíu ás 22.00 horas. Máis de 500 espectadores congregáronse nas inmediacións da meta, en fronte ao mercado de abastos. A xornada finalizou coa entrega de trofeos aos primeiros clasificados de cada categoría na proba absoluta. Os máis pequenos tiveron todos medallas.