A XVIII Milla Urbana de Sanxenxo, que este ano contou con máis participación que nunca entre probas de categorías inferiores, senior e veteranos, completouse onte co guión habitual en canto a campións refírese. A atleta internacional de Cangas, Solange Pereira e o marinense Víctor Riobó seguen demostrando que son os reis indiscutibles desta distancia en Galicia e levaron a vitoria tras percorrer os 1.609 metros de carreira ao longo do paseo de Silgar, unha proba que nesta edición contou coa novidade de ser federada.
Pereira (4 minutos e 51 segundos) impúxose na proba feminina por diante da atleta da Ximnástica Joselyn Brea, á que aínda quedaron forzas para competir en Sanxenxo a pesar de coroarse o pasado sábado en Pontevedra como a campioa galega de tríatlon. Brea chegou oito segundos por detrás da campioa e Raquel Meaños completou o podio cun tempo de 5:06.
En canto aos mozos, Víctor Riobó tivo que apertar os dentes para apuntarse un nova Milleiro Urbana e cun tempo de 4:30 subiuse todo o máis alto do caixón de galardoados por diante de Gonzalo Basconcelo (4:31) e Uxío Abuin (4:32), que tivo o mesmo tempo que Afasto Ares.