Máis de seis centenares de deportistas enfrontaranse ao tempo, aos seus rivais, ao barro e a si mesmos o vindeiro domingo. A inscrición para o II Cros Ponche Romana pechouse con 638 participantes, que encherán o circuíto instalado nas inmediacións do Miño durante a xornada dominical, que se estenderá desde as 10.00 horas ata ben pasado o mediodía.
A carreira máis numerosa será a popular mixta, na que tomarán a saída máis de 200 atletas ás 13.30 horas. Antes diso, a xornada iniciarase ás 10.00 horas co inicio das categorías sub 16 e sub 18 femininas (2.250 metros), e continuará co seguinte calendario: sub 16 e sub 18 masculino (10.15 horas, 4.050 metros; sub 20 e máster feminino (10.40 horas, 4.600 metros); sub 20 e máster masculino (11.10 horas, 6.300 metros); sub 14 feminino (11.45 horas, 1.650 metros); sub 14 masculino (11.55 horas, 2.850 metros); sub 12 feminino (12.10 horas, 1.100 metros), sub 12 masculino (12.20 horas, 2.190 metros); sub 10 feminino (12.30 horas, 780 metros); sub 10 masculino (12.40 horas, 780 metros); absoluta feminino (12.50 horas, 8.100 metros); mini non competitiva (12.55 horas, 200 metros); a mencionada popular mixta ás 13.30 horas (4.050 metros); e absoluta masculino (14.00 horas, 9.650 metros).
O cros, na súa segunda edición, está incluído no circuíto Anoc, considerado o mellor circuíto de cros do mundo, e que inclúe ás principais probas de campo a través de España, como Atapuerca, Venta de Baños, Elgoibar ou Itálica. Championchip Norte, organizador do evento, apostou por dotar á proba da calidade que atesoura Anoc, e o campo de cros contará con todos os servizos tanto para os participantes como para os espectadores.
As zonas habilitadas para os espectadores contarán con visibilidade para poder ver practicamente todos os puntos do circuíto. Ademais, haberá espazo cuberto para os clubs, vestiarios, zona de precalentamiento e quecemento, servizo de fisioterapia, servizos médicos, ambulancias e avituallamientos, así como zona de prensa, cafetería restaurante, zona vip ou aparcadoiros para autobuses e turismos.
Os corredores recibirán un vale de cinco euros para Arenal, avituallamiento en meta Nutrisport, avituallamiento sólido e líquido de Carrefour, seguro de accidentes, un sorteo para un mes gratis no ximnasio Forus e invitacións para ver un partido do Lugo (menores) e outro para o Breogán (para os primeiros 500 inscritos).