O concello de Marín acolleu onte a vixésima edición da Milla Urbana San Miguel con decenas de corredores apuntados entre as probas federadas, as populares e a de cinco mil metros que se engadiu á milla.
Tras a participación de todos os corredores de categorías inferiores, os medio fondistas fixeron a súa aparición na alameda marinense, unha proba que levou Enrique Martínez cun tempo en carreira de 15 minutos e 54 segundos.
Acto seguido celebrouse o prato forte do día, os elite da milla urbana ofreceron o seu particular espectáculo nunha distancia na que Víctor Riobó é o rei. O marinense volveu apuntar unha nova edición da carreira (4.26) e a colombiana Joselyn Brea recolleu a testemuña de Solange Pereira como gañadora feminina (4.55).