O pasado 22 de decembro máis de 500 corredores
participaron na XII Carreira Pedestre do Nadal de San Cibrao das Viñas.
Mentres media Españaa estaba atenta ao sorteo
da loteria do Nadal, na localidade ourensá de San Cibrao das Viñas centos de
atletas centrarían a súa atención en acadar un dos premios outorgados na
Carreira de Nadal desta vila ourensana.
A proba que transcurriu por un circuito
urbánde 8,5 km foi dominada polo
atleta do equipo Rungalicia.com Iván Docampo, que rexistrou un tempo de 26,19
minutos. Rubén Díz e José Manuel Fernández coparían o segundo e tercer posto
respectivamente. Na clasificación feminina Leticia Fernández Barbosa impoñíase
parando o crono en 31,03 minutos, escoltada no podium por Barca Toba e Sonia
Teijeiro.
Os pitufos e cativos tamén tiveron o seu protagonismo ca celebración de
probas específicas adaptadas a súa idade. Ao remate da proba houbo sorteo de
agasallos entre todos os atletas e chocolate para todos.
O Concello de San
Cibrao das Viñas a través do seu máximo representante súmase así ao compromiso
da promoción da práctica deportiva asegurando a continuidade deste importante
evento que comezou sendo un proxecto do atleta galego Javier Paredes.