Gran ambiente no evento organizado pola Asociación Cultural Adro de Vilaño, que finalmente contou con máis de 600 participantes que tomaron a saída.
Éxito rotundo, así define a Organización a proba celebrada este sábado 22 de xullo en Vilaño. Un evento que logo da primeira edición faise querer por toda a veciñanza e afeccionados ao atletismo, e que fixeron deste día unha auténtica festa do deporte.
Na categoría absoluta foi un dos favoritos, Michel Antelo quen conseguíu a 1ª posición, seguido Javier Tourís e Manuel Oliver. Foi Rocío Alvite, seguida de Laura Núñez e Noemí Moral quen se alzaron no podium absoluto feminino.
Miguel Bardanca, único participante da categoría Handbike, levantaría os aplausos de todo o público na súa entrada en meta, logo do esforzo tremendo para completar os 10 Km do circuito absoluto.
Pouco despois tomou a saída a Andaina Saudable e Solidaria, que enchiu o percorrido de cor rosa (cor das camisetas conmemorativas) e que doblou en número de participantes respecto da primeira edición. Cabe resaltar que gracias a isto, a Asociación Adro de Vilaño entregará un cheque por vsalor de 600 € a Cáritas de A Laracha.
No tocante as categorías escolares, que contaron con preto de 200 corredores que tomaron a saída, cabe destacar a categoría Pitufo, que contou con 80 nenos de entre 3 e 6 anos que percorreron un trazado de 100 metros, para risas e disfrute dos presentes.
Os participantes mostráronse moi agradecidos coa organización do evento tanto in situ como a posteriori a través das redes sociais e fotos de atletismo, remarcando o éxito xeral da proba. Cabe comentar que os organizadores mostraron un amplo abanico de facilidades a tódolos corredores, dende servicio de fisioterapia, hidratación, piscina con xeo para relaxación muscular, gardería con monitores e uns pinchos finais moi completos.
A Asociación Cultural Adro de Vilaño sentese moi agradecidas a todos os patrocinadores, así como a tódalas persoas que axudaron para que esto fose posible, Policía local, Protección Civil e membros que compuxeron a Organización.